ഇരിട്ടി: മുഴക്കുന്ന് ഗവ. യു.പി സ്‌കൂളില്‍ സ്‌നേഹപൂര്‍വം സുപ്രഭാതം പദ്ധതിക്കു തുടക്കമായി. സ്‌കൂള്‍ലീഡര്‍ കൃഷ്‌ണേന്ദുവിനു പത്രംനല്‍കി എസ്.വൈ.എസ് മുംബൈ സിറ്റി കമ്മിറ്റി പ്രസിഡന്റ് അബുല്‍ ബുഷ്‌റ ഇബ്രാഹിം മൗലവി ഉദ്ഘാടനം ചെയ്തു. സുപ്രഭാതം ഇരിട്ടി ലേഖകന്‍ ഇബ്രാഹിംകുട്ടി വള്ളിത്തോട് പദ്ധതി വിശദീകരിച്ചു. എസ്.കെ.എസ്.എസ്.എഫ് മുഴക്കുന്ന് ശാഖാ കമ്മിറ്റിയാണു പത്രം സ്‌പോണ്‍സര്‍ ചെയ്തത്. ടി യൂസഫ്, ബാസിത് മുഴക്കുന്ന്, ഷഫീഖ് മാലോടന്‍, ഇര്‍ഫാന്‍, അനസ് റഹ്മാന്‍, പ്രധാന അധ്യാപകന്‍ കെ.സി രാജീവന്‍, സ്റ്റാഫ് സെക്രട്ടറി അബ്ദുല്‍ ബഷീര്‍, അധ്യാപകരായ സവിത, അമൃത, സുവിത സംസാരിച്ചു.