പയ്യന്നൂര്‍: ശാരീരിക പരിമിതികളെ അവഗണിച്ച് പയ്യന്നൂര്‍ എ കുഞ്ഞിരാമന്‍ അടിയോടി സ്മാരക സ്‌കൂളിലെ ഒന്‍പതാം ക്ലാസ് വിദ്യാര്‍ഥി എം.പി പ്രണവിന്റെ കഥകളും കവിതകളും ഉള്‍പ്പെടുത്തി ഒരുക്കിയ 'അമ്മ മഴ' പുസ്തകം പ്രകാശനം ചെയ്തു.
സ്‌കൂള്‍ ഓഡിറ്റോറിയത്തില്‍ നടന്ന ചടങ്ങില്‍ സാഹിത്യകാരന്‍ അംബികാസുതന്‍ മാങ്ങാട് പ്രകാശനം നിര്‍വഹിച്ചു. ടി.ഐ മധുസൂദനന്‍ ഏറ്റുവാങ്ങി. പുതിയവയുള്‍പ്പടെയുള്ള തന്റെ കുറച്ചു പുസ്തകങ്ങള്‍ അംബികാസുതന്‍ മാങ്ങാട് പ്രണവിനു ഉപഹാരമായി നല്‍കി. നഗരസഭ ചെയര്‍മാന്‍ ശശി വട്ടക്കൊവ്വല്‍ അധ്യക്ഷനായി. പി.കെ സുരേഷ് കുമാര്‍ പുസ്തകം പരിചയപെടുത്തി. കെ.പി ജ്യോതി, എം സഞ്ജിവന്‍, വി ബാലന്‍, പി ശ്രീനാഥ്, എ.കെ ശ്രീജ, വിനന്ദകുമാര്‍, പ്രധാനധ്യാപകന്‍ ടി.എസ് രാമചന്ദ്രന്‍, കെ.വി ഷിജു തുടങ്ങിയവര്‍ സംസാരിച്ചു.