തിരുവനന്തപുരം: കേരളാ മോട്ടോര്‍ വാഹന നികുതി ഭേദഗതി ബില്‍ നിയമസഭയിലെ ചര്‍ച്ചയ്ക്കുശേഷം സബ്ജക്ട് കമ്മിറ്റിക്കു വിട്ടു. മോട്ടോര്‍ വാഹന നികുതി ചുമത്തല്‍ നിയമത്തില്‍ മൂല്യവര്‍ധിത നികുതി എന്ന വാക്കിനുപകരം ചരക്കുസേവന നികുതി എന്ന് ചേര്‍ക്കുന്നതാണ് ഭേദഗതി.
റോഡപകടങ്ങള്‍ കുറയ്ക്കുന്നതിനും ഗതാഗത നിയമലംഘനങ്ങള്‍ തടയുന്നതിനുമായി സമഗ്രമായ മോട്ടോര്‍ വാഹന നിയമം കൊണ്ടണ്ടുവരുമെന്ന് ബില്ലിന്‍മേല്‍ നടന്ന ചര്‍ച്ചയ്ക്കു മറുപടി നല്‍കിയ ഗതാഗത മന്ത്രി തോമസ് ചാണ്ടണ്ടി പറഞ്ഞു.
അടുത്ത സഭാസമ്മേളനത്തില്‍ ബില്‍ കൊണ്ടണ്ടുവരാനാണ് ഉദ്ദേശിക്കുന്നത്. കേന്ദ്ര റോഡ് സുരക്ഷാ നിയമം സംസ്ഥാനങ്ങളുടെ അധികാരം കവര്‍ന്നെടുക്കും. ഇതു ലോക്‌സഭ പാസാക്കിയിട്ടുണ്ട്. രാജ്യസഭ സെലക്ട് കമ്മിറ്റിയുടെ പരിഗണനയ്ക്കു വിട്ടിരിക്കുകയാണ്. നിയമം ഇപ്പോഴുള്ള നിലയില്‍ പാസാകാതിരിക്കാന്‍ എല്ലാവിധ ശ്രമവും നടത്തും. ദക്ഷിണേന്ത്യന്‍ സംസ്ഥാനങ്ങളിലെ ഗതാഗത മന്ത്രിമാരുടെ യോഗം താന്‍ മുന്‍കൈയെടുത്ത് വിളിച്ച് ഇക്കാര്യം ചര്‍ച്ച ചെയ്തിരുന്നു. ഈ നിയമത്തില്‍ വരുത്തേണ്ടണ്ട ഭേദഗതികള്‍ സംബന്ധിച്ച് രാജ്യസഭാംഗങ്ങളെ ധരിപ്പിച്ചിട്ടുണ്ടെണ്ടന്നും മന്ത്രി പറഞ്ഞു.