ന്യൂഡല്‍ഹി: പാക് വംശജനായ കന്‍വല്‍ സാദിഖിന്റെ നാലുമാസം പ്രായമുള്ള കുഞ്ഞ് ചികിത്സക്കിടയില്‍ മരിച്ചു. മെഡിക്കല്‍ വിസയില്‍ ഡല്‍ഹിയിലെ നോയിഡയിലെ ജെ.പി ആശുപത്രിയില്‍ ഹൃദയ ശസ്ത്രക്രിയക്കു ശേഷം സുഖം പ്രാപിച്ചു വരുന്നതിനിടയിലാണ് വയറിളക്കത്തെ തുടര്‍ന്ന് കുഞ്ഞ് മരിച്ചത്. തന്റെ കുഞ്ഞ് മരിച്ചുവെന്ന് പിതാവ് കന്‍വല്‍ സാദിഖ് ട്വിറ്ററിലൂടെയാണ് അറിയിച്ചത്. കഴിഞ്ഞ മാസം 14നാണ് കുട്ടിയെ നോയിഡയിലെ ആശുപത്രിയില്‍ പ്രവേശിപ്പിച്ചിരുന്നത്.