ശ്രീനഗര്‍: ബാരാമുള്ള ജില്ലയില്‍ സുരക്ഷാ സേന നടത്തിയ തിരച്ചിലില്‍ മൂന്ന് ഹിസ്ബുല്‍ മുജാഹിദീന്‍ ഭീകരരെ അറസ്റ്റ് ചെയ്തു. രാഷ്ട്രീയ റൈഫിള്‍സ്, സി.ആര്‍.പി.എഫ് സൈനികരുടെ സംയുക്ത പരിശോധനയിലാണ് ബാരാമുള്ളയിലെ തില്‍ഗാം മേഖലയില്‍ നിന്ന് ഭീകരര്‍ പിടിയിലായത്. അന്ദേര്‍ഗാം പത്താന്‍ സ്വദേശിയായ വസീം അക്രം മിര്‍, അച്ചാബല്‍ സോപോര്‍ സ്വദേശികളായ ഉമര്‍ ഹസന്‍ റാത്തര്‍, ആഖിഫ് ഹുസ്സന്‍ റാത്തോര്‍ എന്നിവരാണ് അറസ്റ്റിലായത്.