ബംഗളൂരു: കന്നഡ ഭാഷ ആറുമാസത്തിനകം പഠിക്കണമെന്ന് കര്‍ണാടകയിലെ ബാങ്ക് ജീവനക്കാര്‍ക്ക് കര്‍ണാടക വികസന അതോറിറ്റി(കെ.ഡി.എ)യുടെ നിര്‍ദേശം. ദേശസാല്‍കൃത, സ്വകാര്യ, ഗ്രാമീണ മേഖലയിലെ ബാങ്ക് ജീവനക്കാര്‍ക്കാണ് അതോറിറ്റി ഈ നിര്‍ദേശം നല്‍കിയത്.
കെ.ഡി.എ ചെയര്‍മാന്‍ എസ്.ജി സിദ്ദരാമയ്യ പുറത്തിറക്കിയ സര്‍ക്കുലര്‍ ബാങ്കുകളുടെ റീജ്യനല്‍ മേധാവികള്‍ക്ക് അയച്ചിട്ടുണ്ട്. കന്നഡ സംസാരിക്കാന്‍ കഴിയാത്ത എല്ലാ ജീവനക്കാരും കന്നഡ ഭാഷ പഠിക്കണമെന്ന കാര്യം നിര്‍ബന്ധമാക്കികൊണ്ടുള്ള ഉത്തരവ് ഓരോ ബാങ്കും എല്ലാ ശാഖകളിലേക്കും അയച്ചിട്ടുണ്ട്.