കണ്ണൂര്‍: പ്രകൃതി വിരുദ്ധ പീഡനക്കേസില്‍ സി.പി.എം പ്രാദേശിക നേതാവിനെ പൊലിസ് അറസ്റ്റ് ചെയ്തു. റിട്ട. അധ്യാപകനായ കുറ്റിക്കകം തെരുവിലെ ജനാര്‍ദനന്‍ ആയിച്ചാന്‍കണ്ടിയെ (59) ആണ് എടക്കാട് പൊലിസ് പിടികൂടിയത്. 14 വയസുകാരനെ പ്രകൃതി വിരുദ്ധ പീഡനത്തിന് ഇരയാക്കിയെന്ന പരാതിയില്‍ പോക്‌സോ നിയമ പ്രകാരമാണു കേസ്.  കുട്ടിയുടെ പിതാവിന്റെ പരാതിയെ തുടര്‍ന്നാണ് അറസ്റ്റ് ചെയ്തത്. കുട്ടിയുടെ മൊഴിയെടുത്ത ശേഷം ഇയാളുടെ പേരില്‍ കേസ് രജിസ്റ്റര്‍ ചെയ്യുകയായിരുന്നു. പ്രതിയെ കോടതി റിമാന്‍ഡ് ചെയ്തു. കോര്‍പറേഷന്‍ തെരഞ്ഞെടുപ്പില്‍ ഏഴര ഡിവിഷനിലെ എല്‍.ഡി.എഫ് സ്ഥാനാര്‍ഥിയായിരുന്നു.