ഗൂഡല്ലൂര്‍: തൊഴിലാളികളെ രാത്രി കാരറ്റ് തോട്ടങ്ങളില്‍ ജോലി ചെയ്യിക്കരുതെന്നു നീലഗിരി ജില്ലാ കലക്ടര്‍ ജെ. ഇന്നസെന്റ് ദിവ്യ ഊട്ടി, കുന്നൂര്‍, കോത്തഗിരി താലൂക്കുകളിലെ കര്‍ഷകര്‍ക്കു നിര്‍ദേശം നല്‍കി. തൊളിലാളികളെ പുലര്‍ച്ചെ രണ്ടോടെ തോട്ടങ്ങളില്‍ എത്തിച്ചു ജോലി ചെയ്യിക്കുന്നത് ശ്രദ്ധയില്‍പ്പെട്ടതിനെ തുടര്‍ന്നാണ് നിര്‍ദേശം. ഇതു ലംഘിക്കുന്നവര്‍ക്കെതിരെ കര്‍ശന നടപടി സ്വീകരിക്കും. കാരറ്റുതോട്ടങ്ങളിലെ ജോലിസമയമം രാവിലെ ആറ് മുതലാക്കി പുനഃക്രമീകരിക്കണമെന്നും നിര്‍ദേശമുണ്ട്.