തൊടുപുഴ: കോണ്‍ഗ്രസ്സിന്റെ മുതിര്‍ന്ന നേതാവും മുന്‍ മുഖ്യമന്ത്രിയുമായ ഉമ്മന്‍ചാണ്ടിക്ക് ദേഹസ്വാസ്ഥ്യത്തെ തുടര്‍ന്ന് ആശുപത്രിയില്‍ പ്രവേശിപ്പിച്ചു. കട്ടപ്പനയിലേക്ക് പോകുന്ന വഴിയാണ് അദ്ദേഹത്തിന് ദേഹാസ്വാസ്ഥ്യം അനുഭവപ്പെട്ടത്. തൊടുപുഴ ചാഴിക്കോട്ടെ ആശുപത്രിയിലാണ് അദ്ദേഹത്തെ പ്രവേശിപ്പിച്ചിരിക്കുന്നത്. ഡോക്ടര്‍മാരുടെ നിരീക്ഷണത്തിലാണ്.

കട്ടപ്പനയില്‍ വൈകുന്നേരം അദ്ദേഹത്തിന് സ്വീകരണം ഒരുക്കിയിരുന്നു. ഇതില്‍ പങ്കെടുക്കാന്‍ പോകുന്ന വഴിക്കാണ് ഉമ്മന്‍ചാണ്ടിക്ക് ദേഹാസ്വാസ്ഥ്യമുണ്ടായത്.