നാഷണല്‍ മീന്‍സ് കം മെറിറ്റ് സ്‌കോളര്‍ഷിപ്പിന് (എന്‍.എം.എം.എസ്) എട്ടാംക്ലാസ് വിദ്യാര്‍ഥികളാണ് അപേക്ഷകള്‍ സമര്‍പ്പിക്കേണ്ടത്. എന്‍.എം.എം.എസിനു സംസ്ഥാനതല പരീക്ഷ മാത്രമേയുള്ളൂ. സര്‍ക്കാര്‍, എയ്ഡഡ് സ്‌കൂളുകളില്‍ എട്ടാംക്ലാസില്‍ പഠിക്കുന്ന കുട്ടികള്‍ക്ക് അപേക്ഷിക്കാം. റെസിഡന്‍ഷ്യല്‍ സ്‌കൂള്‍, മറ്റ് അണ്‍ എയ്ഡഡ് സ്‌കൂളുകള്‍ എന്നിവയില്‍ പഠിക്കുന്ന കുട്ടികള്‍ അപേക്ഷിക്കാന്‍ അര്‍ഹരല്ല. രക്ഷിതാക്കളുടെ വാര്‍ഷിക വരുമാനം 1.5 ലക്ഷം രൂപയില്‍ കൂടരുത്. ഏഴാംക്ലാസില്‍ എല്ലാ വിഷയങ്ങള്‍ക്കും ചുരുങ്ങിയത് 55 ശതമാനം മാര്‍ക്ക് വേണം
അപേക്ഷകര്‍ ഫോട്ടോ, വരുമാന സര്‍ട്ടിഫിക്കറ്റ്, ആധാര്‍ കാര്‍ഡ്, അംഗപരിമിതിയുള്ളവര്‍ അതു തെളിയിക്കുന്ന മെഡിക്കല്‍ സര്‍ട്ടിഫിക്കറ്റ്, ജാതി തെളിയിക്കുന്ന സര്‍ട്ടിഫിക്കറ്റ് എന്നിവ ഓണ്‍ലൈനായി അപേക്ഷിക്കുന്നതിനു മുന്നേതന്നെ കരുതേണ്ടതാണ്.