പനമരം: ഓട്ടോയില്‍ കടത്തുകയായിരുന്ന വിദേശമദ്യം പിടികൂടി. സംഭവത്തില്‍ ഇടിയംവയല്‍ കിഴക്കേതലത്തില്‍ മുനീറിനെ(39) പനമരം എസ്.ഐ രാംകുമാറും സംഘവും അറസ്റ്റ് ചെയ്തു.
ബുധനാഴ്ച രാത്രി വാഹന പരിശോധനക്കിടെയാണ് വിദേശമദ്യം പിടികൂടിയത്. അര ലിറ്ററിന്റെ 56 കുപ്പി ഇന്ത്യന്‍ നിര്‍മിത വിദേശമദ്യമാണ് ഓട്ടോയിലുണ്ടായിരുന്നത്. മുനീറിനെ കൂടാതെ ഓട്ടോയില്‍ ഓട്ടോ ഉടമ പൊഴുതന കാടംതോട്ടില്‍ സുനില്‍ലാലു(40)മുണ്ടായിരുന്നു. ഇയാള്‍ ഓടി രക്ഷപ്പെട്ടു. ഇരുവര്‍ക്കുമെതിരേ പൊലിസ് കേസ് രജിസ്റ്റര്‍ ചെയ്തിട്ടുണ്ട്. ക്രിസ്മസ് വിപണി ലക്ഷ്യമാക്കിയാണ് ഇവര്‍ മദ്യം കടത്തിയത്. പനമരം ബീവ്‌റേജ് ഔട്ട്‌ലറ്റില്‍നിന്നാണ് മദ്യം വാങ്ങിയതെന്ന് പ്രതി പൊലിസിനോട് പറഞ്ഞു.