കോഴിക്കോട്: സുപ്രഭാതം ദിനപത്രം പ്രചാരണ കാംപയിനിന്റെ ഭാഗമായി പുതുതായി വരിക്കാരായവരുടെ ഒന്നാംഘട്ട ലിസ്റ്റ് റെയ്ഞ്ച് സെക്രട്ടറിമാരില്‍നിന്ന് മേഖലാ കോഡിനേറ്റര്‍മാര്‍ വിവിധ കേന്ദ്രങ്ങളില്‍ ഇന്ന് ഏറ്റുവാങ്ങും. മേഖലാ കോ ഓഡിനേറ്റര്‍മാര്‍ ലിസ്റ്റ് നാളെ ഓഫിസില്‍ ഏല്‍പ്പിക്കും.
മദ്‌റസാ തലത്തില്‍ 11, 12, 13, 14, 15 തിയതികളില്‍ രണ്ടാംഘട്ട പ്രചാരണമാരംഭിക്കും. മദ്‌റസാ ഉസ്താദുമാര്‍, കമ്മിറ്റി ഭാരവാഹികള്‍, എസ്.വൈ.എസ്, എസ്.കെ.എസ്.എസ്.എഫ്, എസ്.ബി.വി സംഘടനാ പ്രതിനിധികള്‍ ഉള്‍ക്കൊള്ളുന്ന സംഘം ഗൃഹസന്ദര്‍ശനം നടത്തി വരിക്കാരെ ചേര്‍ക്കല്‍ പൂര്‍ത്തീകരിക്കും. 20 നാണ് കാംപയിന്‍ സമാപനം.