മണ്ണാര്‍ക്കാട്: പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസില്‍ ഒരാള്‍ അറസ്റ്റിലായി. കുമരംപുത്തൂര്‍ പള്ളിക്കുന്ന് സ്വദേശി നാലകത്ത് അബ്ദുല്‍ സലിം (40) നെയാണ് മണ്ണാര്‍ക്കാട് സി.ഐ ടി.പി ഫര്‍ഷാദും സംഘവും അറസ്റ്റ് ചെയ്തത്. ബാംഗ്ലൂര്‍ കേന്ദ്രീകരിച്ച് കച്ചവടം നടത്തുന്ന് വ്യാപാരിയാണിയാള്‍. കുളപാടത്ത് പ്രതിയുടെ അധീനതയിലുള്ള ആളൊഴിഞ്ഞ കോട്ടേഴ്‌സില്‍ പ്രായപൂര്‍ത്തിയാകാത്ത കര്‍ണാടക സ്വദേശിനിയെ രണ്ടു മാസത്തോളമായി താമസിപ്പിച്ച പീഡിപ്പിച്ചു വരികയായിരുന്നു ഇയാളെന്ന്് പൊലിസ് പറഞ്ഞു. പ്രതിയെ മണ്ണാര്‍ക്കാട് മുന്‍സിഫ് മജിസ്‌ട്രേറ്റ് കോടതി റിമാന്‍ഡ് ചെയ്ത് പെണ്‍കുട്ടിയെ റെസ്‌ക്യൂ ഹോമിലേക്ക് മാറ്റി.