ലഖ്‌നൗ: ഹനുമാന്റെ ജാതിയെച്ചൊല്ലി ഉത്തര്‍പ്രദേശ് ബി.ജെ.പി നേതാക്കള്‍ക്കിടയില്‍ തര്‍ക്കം തീരുന്നില്ല. ഹനുമാന്‍ ദലിതനാണെന്നു പറഞ്ഞു തുടങ്ങിയ തര്‍ക്കത്തില്‍ ഒടുവില്‍ ഇന്നലെ ഒരു എം.എല്‍.എ പറഞ്ഞത്, ഹനുമാന്‍ മുസ്‌ലിമാണെന്നായിരുന്നു. എന്നാല്‍ ഹനുമാന്‍ മുസ്‌ലിമല്ല, ജാട് സമുദായത്തില്‍പ്പെട്ട ആളാണെന്നാണ് മതകാര്യ മന്ത്രി ലക്ഷ്മി നാരായണ്‍ ചൗധരി പറയുന്നത്.

യു.പി നിമയസഭാംഗമായ ബുക്കല്‍ നവാബാണ് ഹനുമാന്‍ മുസ്‌ലിമാണെന്നു പറഞ്ഞത്. പേരിലെ മുസ്‌ലിം ടച്ച് ചൂണ്ടിക്കാണിച്ചാണ് ബുക്കല്‍ ഈ കണ്ടുപിടുത്തം നടത്തിയത്. റംസാന്‍, കുര്‍ബാന്‍, റഹ്മാന്‍, ഫര്‍മാന്‍ തുടങ്ങിയ മുസ്‌ലിം പേരുകള്‍ക്ക് ആധാരം ഹനുമാന്‍ ആണെന്നായിരുന്നു അദ്ദേഹത്തിന്റെ വാദം.

മുഖ്യമന്ത്രി യോഗി ആദിത്യനാഥാണ് കഴിഞ്ഞമാസം ഹനുമാന്റെ ജാതി ആദ്യം പറഞ്ഞത്. ഹനുമാന്‍ ദലിതാണെന്നായിരുന്നു യോഗിയുടെ പ്രസ്താവന.