പനാജി: ഹിജാബ് മാറ്റാന്‍ വിസമ്മതിച്ചതിനെ തുടര്‍ന്ന് യുവതിയെ നെറ്റ് (നാഷനല്‍ എലിജിബിലിറ്റി ടെസ്റ്റ്) പരീക്ഷ എഴുതാന്‍ അനുവദിച്ചില്ല. സഫീന ഖാന്‍ സൗദ്ഗറിനാണ് ബുധനാഴ്ച നടന്ന നെറ്റ് പരീക്ഷ എഴുതാന്‍ സാധിക്കാതിരുന്നത്. പരീക്ഷ ഹാളില്‍ എത്തിയപ്പോള്‍ അധികൃതര്‍ ഹിജാബ് നീക്കാന്‍ ആവശ്യപ്പെടുകയായിരുന്നു. എന്നാല്‍ മതാചാരത്തിന് വിരുദ്ധമാണെന്ന് യുവതി അറിയിച്ചു. ഇതിനെ തുടര്‍ന്ന് പരീക്ഷ എഴുതാന്‍ അനുവദിക്കില്ലെന്ന് സൂപ്പര്‍വൈസര്‍ അറിയിക്കുകയായിരുന്നു.