വാഷിങ്ടണ്‍: കോളിളക്കം സൃഷ്ടിച്ച ഫ്രാന്‍സിലെ ഷാര്‍ലി ഹെബ്ദോ ആക്രമണത്തില്‍ കുറ്റാരോപിതനായ ഒരു ഭീകരന്‍ കൂടി അറസ്റ്റില്‍.
ഫ്രഞ്ച് പൗരനായ അബൂ ഹംസ എന്ന പേരില്‍ അറിയപ്പെടുന്ന പീറ്റര്‍ ഷെറിഫ് ആണ് ജിബൂത്തിയില്‍ പിടിയിലായത്. ആക്രമണം നടത്തിയ സഹോദരങ്ങള്‍ക്കു സഹായം നല്‍കിയെന്നാണ് 36കാരനായ പീറ്ററിനെതിരായ ആരോപണം.
ഫ്രാന്‍സിലേക്കു തിരിക്കാനായി വിമാനത്താവളത്തിലെത്തിയതായിരുന്നു ഇയാള്‍. 2015 ജനുവരി ഏഴിനാണ് ഫ്രാന്‍സിലെ ആക്ഷേപഹാസ്യ മാഗസിനായ ഷാര്‍ലി ഹെബ്ദോയുടെ പാരിസിലെ ആസ്ഥാനത്ത് ഭീകരാക്രമണമുണ്ടായത്.
മുഖംമൂടി ധരിച്ചെത്തിയ ഷെറിഫ്, സെയ്ദ് കുവാച്ചി എന്നിവര്‍ ഓഫിസിനകത്തു കയറി വെടിയുതിര്‍ക്കുകയായിരുന്നു.