കൊല്ലം: ഖാദി ഗ്രാമവ്യവസായ ബോര്‍ഡും ഖാദി സ്ഥാപനങ്ങളും സംയുക്തമായി സംഘടിപ്പിക്കുന്ന ഓണം, ബക്രീദ് ഖാദി മേളയോടനുബന്ധിച്ചുള്ള സമ്മാന കൂപ്പണുകളുടെ പ്രതിവാര നറുക്കെടുപ്പിന് തുടക്കമായി.
കലക്ടറേറ്റ് അങ്കണത്തില്‍ സബ് കലക്ടര്‍ എസ്. ചിത്ര ആദ്യ നറുക്കെടുപ്പ് നിര്‍വഹിച്ചു. സമ്മാന ജേതാവിനെ സബ് കലക്ടര്‍ തന്നെ ഫോണില്‍ വിവരം അറിയിച്ചു.
4000 രൂപയുടെ സില്‍ക്ക് സാരിയാണ് പ്രതിവാര നറുക്കെടുപ്പിലെ വിജയികള്‍ക്ക് ലഭിക്കുക. ഇതിനുപുറമേ സംസ്ഥാനതല നറുക്കെടുപ്പില്‍ ഒന്നാം സമ്മാനമായി ഒരാള്‍ക്ക് 10 പവന്‍ സ്വര്‍ണനാണയങ്ങളും രണ്ടാം സമ്മാനമായി രണ്ടു പേര്‍ക്ക് അഞ്ചു പവന്‍ വീതം സ്വര്‍ണ നാണയങ്ങളും നല്‍കും.