സിഡ്‌നി: ക്രിക്കറ്റ് ലോകത്തെ ഞെട്ടിച്ച പന്ത് ചുരണ്ടണ്ടല്‍ വിവാദത്തില്‍ സ്റ്റീവ് സ്മിത്ത് മൗനം വെടിഞ്ഞു. കേപ്ടൗണില്‍ ഈ വര്‍ഷം ദക്ഷിണാഫ്രിക്കയ്‌ക്കെതിരേ നടന്ന ടെസ്റ്റില്‍ പന്തില്‍ കൃത്രിമം കാണിക്കാന്‍ ശ്രമിച്ചതിന് ക്രൂശിക്കപ്പെട്ടതിന് ശേഷം ആദ്യമായാണ് ആസ്‌ത്രേലിയന്‍ നായകനായിരുന്ന സ്റ്റീവ് സ്മിത്ത് മാധ്യമങ്ങള്‍ക്ക് മുന്നില്‍ പ്രത്യക്ഷപ്പെട്ടത്. വിലക്കിന്റെ കാലാവധി തീരാന്‍ മാസങ്ങള്‍ ബാക്കിനില്‍ക്കേ സംഭവത്തില്‍ താന്‍ തീര്‍ത്തും നിരപരാധിയാണെന്ന് സ്മിത്ത് വ്യക്തമാക്കി. പന്തില്‍ കൃത്രിമം കാണിച്ചത് തന്റെ അറിവോടെയല്ലെന്നും അത്തരമൊരു ഗൂഢാലോചന നടന്നിട്ടുണ്ടെണ്ടങ്കില്‍ അതില്‍ പങ്കാളിയല്ലെന്നും സ്മിത്ത് വ്യക്തമാക്കി. ടീമിന്റെ ക്യാപ്റ്റനായിട്ടും അത്തരമൊരു സംഭവം തടയാന്‍ സാധിക്കാത്തതിന്റെ ഉത്തരവാദിത്വം താന്‍ ഏറ്റെടുക്കുകയായിരുന്നുവെന്നും സ്മിത്ത് വ്യക്തമാക്കി. മാര്‍ച്ച് 29 നു ശേഷം ആദ്യമായാണ് സ്മിത്ത് മാധ്യമങ്ങള്‍ക്ക് മുന്നില്‍ എത്തുന്നത്. അന്നു അങ്ങനെയൊരു സംഭവം നടക്കാന്‍ പോവുമ്പോള്‍ തടയാന്‍ കഴിയാതിരുന്നത് നായകനെന്ന നിലയില്‍ തന്റെ പരാജയമാണ്. അരുതാത്തത് എന്തോ നടക്കാന്‍ പോവുന്നതായി ടെസ്റ്റിനിടെ ഡ്രസിങ് റൂമില്‍വച്ചു തോന്നിയിരുന്നു. അതു പോലെ തന്നെ കളിയില്‍ സംഭവിക്കുകയും ചെയ്തതായി സ്മിത്ത് വിശദമാക്കി.

വിലക്ക് നേരിട്ട ശേഷം മാധ്യമങ്ങളില്‍നിന്ന് വിട്ടുനില്‍ക്കുകയായിരുന്നു അദ്ദേഹം. ഓസീസ് ക്യാപ്റ്റനായിരുന്ന സ്റ്റീവ് സ്മിത്ത്, വൈസ് ക്യാപ്റ്റനായിരുന്ന ഡേവിഡ് വാര്‍ണര്‍, ഓപ്പണറായിരുന്ന കാമറോണ്‍ ബാന്‍ക്രോഫ്റ്റ് എന്നിവരാണ് തെറ്റുകാരെന്നു കണ്ടെണ്ടത്തിയത്. ബാന്‍ക്രോഫ്റ്റിനെ ഒന്‍പതു മാസത്തേക്കും മറ്റു രണ്ടണ്ടു പേരെ ഒരു വര്‍ഷത്തേക്കുമാണ് ക്രിക്കറ്റ് ആസ്‌ത്രേലിയ വിലക്കിയത്.