ബെര്‍ലിന്‍: അമ്പെയ്ത്ത് ലോകകപ്പിന്റെ നാലാം ഘട്ട പോരാട്ടത്തില്‍ ഇന്ത്യന്‍ താരങ്ങള്‍ക്ക് മികച്ച തുടക്കം. വ്യക്തിഗത പോരാട്ടത്തില്‍ വിജയം പിടിച്ച് ഏഴ് ഇന്ത്യന്‍ താരങ്ങള്‍ മൂന്നാം റൗണ്ടിലേക്ക് മുന്നേറി. ദീപിക കുമാരി, ബൊംബെയ്‌ല ദേവി, അതനു ദാസ്, പ്രൊമിള ദയ്മാരി, മോണിക്ക സരെന്‍ തുടങ്ങിയ മുന്‍നിര താരങ്ങള്‍ വ്യക്തിഗത പോരാട്ടത്തിന്റെ മൂന്നാം റൗണ്ടിലേക്ക് എത്തിയിട്ടുണ്ട്. അതേസമയം മിക്‌സഡ് ടീമിനത്തില്‍ ഇന്ത്യ ക്വാര്‍ട്ടറില്‍ പുറത്തായി.