പാണ്ടിക്കാട്: ഒറവംപുറത്ത് വാടക ക്വാര്‍ട്ടേഴ്‌സില്‍ പണംവച്ചു ചീട്ടുകളിക്കുകയായിരുന്ന അഞ്ചംഗ സംഘത്തെ പാണ്ടിക്കാട് എസ്.ഐ ടി.പി ശിവദാസന്റെ നേതൃത്വത്തിലുള്ള പൊലിസ് അറസ്റ്റ് ചെയ്തു.
ഒറവംപുറം സ്വദേശികളായ കല്ലിടുമ്പന്‍ അബ്ദുല്‍ റഷീദ് (36), ഒറവംപുറത്ത് അയ്യപ്പന്‍ (27), ഇരപ്പില്‍ ഷിനോജ് (35), കിഴക്കും പറമ്പന്‍ മുഹമ്മദ് ഷമ്മാസ് (32), മലയില്‍ അന്‍സാര്‍ (37) എന്നിവരാണ് പിടിയിലായത്. രഹസ്യവിവരത്തിന്റെ അടിസ്ഥാനത്തില്‍ ക്വാര്‍ട്ടേഴ്‌സില്‍ കഴിഞ്ഞ ദിവസം പുലര്‍ച്ചെ പൊലിസ് നടത്തിയ പരിശോധനയിലാണ് പ്രതികള്‍ പിടിയിലായത്. ഇവരില്‍നിന്ന് 15,060 രൂപയും കണ്ടെടുത്തു.