തളിപ്പറമ്പ്: തളിപ്പറമ്പില്‍ കഞ്ചാവുമായി യുവാവ് പിടിയില്‍. പുളിമ്പറമ്പ് സ്വദേശി തെരിപ്പറമ്പില്‍ വീട്ടില്‍ എസ്. ഗോകുല്‍ രാജിനെ(25)യാണ് എക്‌സൈസ് സംഘം അറസ്റ്റ് ചെയ്തത്. ക്രിസ്മസ്-ന്യൂ ഇയര്‍ സ്‌പെഷല്‍ ഡ്രൈവിന്റെ ഭാഗമായി തളിപ്പറമ്പ് റേഞ്ച് എക്‌സൈസ് ഇന്‍സ്‌പെക്ടര്‍ ആര്‍.പി പീതാംബരന്റെ നേതൃത്വത്തില്‍ പ്രിവന്റീവ് ഓഫിസര്‍ കെ.വി ഗിരീഷ്, സിവില്‍ എക്‌സൈസ് ഓഫിസര്‍മാരായ ടി.വി കമലാക്ഷന്‍, കെ. രാജേഷ്, ടി. ഖാലിദ്, കെ. മുഹമ്മദ് ഹാരിസ്, വനിത സിവില്‍ എക്‌സൈസ് ഓഫിസര്‍ അനു എന്നിവരടങ്ങിയ സംഘം നടത്തിയ പരിശോധനയിലാണ് ഇയാള്‍ പിടിയിലായത്.