കോഴിക്കോട്: നിര്‍മാണ മേഖലയില്‍ ജോലി ചെയ്യുന്ന ടിപ്പര്‍ ലോറി, എസ്‌കവേറ്റര്‍ വാഹന തൊഴിലാളികളും ഉടമകളും 16ന് സൂചനാ പണിമുടക്കും കലക്ടറേറ്റ് മാര്‍ച്ചും നടത്തും. ടിപ്പര്‍ ലോറി മിനിലോറി ഡ്രൈവര്‍മാര്‍ക്കെതിരേ ആര്‍.ടി.ഒ, പൊലിസ് ഉദ്യോഗസ്ഥര്‍ നടത്തുന്ന കിരാത നടപടികള്‍ അവസാനിപ്പിക്കണമെന്നാവശ്യപ്പെട്ടാണ് സമരമെന്ന് ടിപ്പര്‍ ലോറി, മിനിലോറി, എസ്‌കവേറ്റര്‍ ഓണേഴ്‌സ് ആന്‍ഡ് ഡ്രൈവേഴ്‌സ് മെറ്റീരിയല്‍ കോണ്‍ട്രാക്ട് വര്‍ക്കേഴ്‌സ് കോഡിനേഷന്‍ കമ്മിറ്റി ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
വിഷയത്തില്‍ അടിയന്തരമായി പരിഹാരമുണ്ടായില്ലെങ്കില്‍ അനിശ്ചിതകാല സമരത്തിലേക്ക് നീങ്ങുമെന്നും ഭാരവാഹികള്‍ അറിയിച്ചു. അഡ്വ. എം. രാജന്‍, കെ.ഇ റഷീദ്, ആബിദ്, വാസുദേവന്‍ കുരുവട്ടൂര്‍ വാര്‍ത്താസമ്മേളനത്തില്‍ പങ്കെടുത്തു.