ആലത്തൂര്‍:പാലക്കാട് ഡെപ്യൂട്ടി എക്‌സൈസ് കമ്മീഷണര്‍ വി.പി സുലേഷ് കുമാറിന്റെ നിര്‍ദേശാനുസരണം പരിശോധന ശക്തമാക്കിയതിന്റെ ഭാഗമായി കൊച്ചി സ്വദേശികളായ രണ്ടു പേരില്‍ നിന്നായി ആലത്തൂര്‍ എക്‌സൈസ് പാര്‍ട്ടി സാഹസികമായ ഇടപെടലിലൂടെ നാലു കിലോ കഞ്ചാവ് പിടികൂടി. കണയന്നൂര്‍, തൃക്കാക്കര സൗത്ത് കളമശേരി, ദില്‍ഷില്‍, ആലുവ ഈസ്റ്റ്,നൊച്ചിമണ്ട് വിനീത് എന്നിവരാണ് പിടിയിലായത്.
പാലക്കാട് എക്‌സൈസ് ഇന്റലിജന്‍സിനു ലഭിച്ച രഹസ്യവിവരത്തെ തുടര്‍ന്ന് ആലത്തൂര്‍ ദേശീയപാതയില്‍ നിന്നും ആലത്തൂര്‍ റേഞ്ച് എക്‌സൈസ് ഇന്‍സ്‌പെക്ടര്‍ സി.പി. മധു, പി.ഒ. കെ.വി.മുരളി, സി.ഇ.ഒ.മാരായ പി.കെ.ബൈജു, നിന്മി, ൈഡ്രവര്‍ ജ്യോതിവാസന്‍ എന്നിവരുടെ സമയോചിതവും സാഹസികവുമായ ഇടപെടലാണ് അപകടകരമായ രീതിയില്‍ പാഞ്ഞുവന്ന പ്രതികളേയും കഞ്ചാവും പിടികൂടാനായത്.
ക്രിസ്മസ് ന്യൂ ഇയര്‍ ആഘോഷങ്ങള്‍ക്ക് കൊച്ചിയില്‍ വില്‍പന നടത്തുന്നതിനായി കൊണ്ടു പോവുകയാണെന്ന് പ്രതികള്‍ പറഞ്ഞു.