മൊറയൂര്‍: പഞ്ചായത്തിലെ ആറ് വാര്‍ഡുകള്‍ ഉള്‍പ്പെടുന്ന ഒഴുകൂര്‍ മേഖലയില്‍ കോഴിക്കോട് സി.എച്ച് സെന്റര്‍ മാതൃകയില്‍ ജീവകാരുണ്യ പ്രവര്‍ത്തനങ്ങള്‍ക്ക് നേതൃത്വം നല്‍കാന്‍ ഒഴുകൂര്‍ മേഖല സി.എച്ച് സെന്റര്‍ രൂപീകരിച്ചു. പാണക്കാട് സയ്യിദ് മുനവ്വറലി ശിഹാബ് തങ്ങള്‍ പ്രഖ്യാപനം നടത്തി. മണ്ഡലം ലീഗ് പ്രസിഡന്റ് പി.ബീരാന്‍കുട്ടി ഹാജി അധ്യക്ഷനായി. ജലീല്‍ മുണ്ടോടനില്‍ നിന്ന് ഫണ്ട് സ്വീകരിച്ച് തങ്ങള്‍ ഉദ്ഘാടനം ചെയ്തു. പി.ഉബൈദുള്ള എംഎല്‍എ, വി.പി അബൂബക്കര്‍, പെരുമ്പിലായി മുഹമ്മദ്, ഖത്തര്‍ അലി, സിറാജുദ്ദീന്‍ ഫൈസി, കൊളക്കണ്ണി മൂസ, പാവുക്കടന്‍ മുഹമ്മദാജി, ഖത്തര്‍ അഹമ്മദ്, കെ.സി ശിഹാബ്, പി.കലന്തന്‍ ഹാജി സംസാരിച്ചു.