വടകര: ചോറോട് ശിഹാബ്തങ്ങല്‍ സ്മാരക സൗധത്തില്‍ പ്രവര്‍ത്തിക്കുന്ന എന്‍ജിനീയറിങ് ഓഫിസില്‍ തീപിടിത്തം.  ഇന്നലെ രാവിലെയാണ് തീപിടിത്തമുണ്ടായത്. ചോറോട് ഗെയിറ്റിനു സമീപം പഴയ റോഡിലെ മൂന്നു നില കെട്ടിടത്തിലെ രണ്ടാമത്തെ നിലയിലുള്ള സിവില്‍ എന്‍ജിനീയറുടെ ഓഫിസായ പ്ലാന്‍ ഹൗസിലുണ്ടായ തീപിടിത്തതില്‍ കംപ്യൂട്ടര്‍ ഉള്‍പെടെയുള്ള സാധനങ്ങളെല്ലാം കത്തി നശിച്ചു.  ലക്ഷങ്ങളുടെ നഷ്ടമുണ്ടായതായി കണക്കാക്കുന്നു. രാവിലെ സ്ഥാപനം പൂട്ടി പുറത്തു പോയ നേരത്താണ് അഗ്നിബാധ. ഷോര്‍ട്ട് സര്‍ക്യൂട്ടാണ് കാരണമെന്ന് കരുതുന്നു.
മറ്റു നിലകളിലേക്ക് തീ പടരുമ്പോഴേക്കും നാട്ടുകാരുടെ ശ്രദ്ധയില്‍പെട്ടതിനാല്‍ തീ അണക്കാനായി. വടകരയില്‍ നിന്നും ഫയര്‍ഫോഴ്‌സ് സ്ഥലത്തെത്തി.