പാലക്കാട് : സംസ്ഥാന സ്‌പോര്‍ട്‌സ് കൗണ്‍സിലും യോഗ അസോസിയേഷന്‍ ഓഫ് കേരളയും ചേര്‍ന്ന് നടത്തുന്ന രണ്ടാമത് സംസ്ഥാന യോഗ ചാംപ്യന്‍ഷിപ്പിന് ഇന്ന് തുടക്കമാകും. ജില്ലാതല മത്സരങ്ങളില്‍ വിജയിച്ച നാനൂറിലധികം യോഗാഭ്യാസികള്‍ ജില്ലാ പഞ്ചായത്ത് ഹാളില്‍ നടക്കുന്ന സംസ്ഥാനതല മത്സരത്തില്‍ പങ്കെടുക്കും. രാവിലെ 11ന് കായിക വകുപ്പ് മന്ത്രി എ.സി. മൊയ്തീന്‍ സംസ്ഥാന ചാംപ്യന്‍ഷിപ്പ് ഉദ്ഘാടനം ചെയ്യും.
ഷാഫി പറമ്പില്‍ എം.എല്‍.എ. അധ്യക്ഷനാകുന്ന പരിപാടിയില്‍ എം.ബി. രാജേഷ് എം.പി, എം.എല്‍.എ.മാരായ പി.ഉണ്ണി, പി.കെ.ശശി, കെ.വി. വിജയദാസ്, കെ.ഡി.പ്രസേനന്‍, കെ.കൃഷ്ണന്‍കുട്ടി, സംസ്ഥാന സ്‌പോര്‍ട്‌സ് കൗണ്‍സില്‍ പ്രസിഡന്റ് റ്റി.പി. ദാസന്‍, നഗരസഭാ ചെയര്‍പേഴ്‌സണ്‍ പ്രമീള ശശിധരന്‍ എന്നിവര്‍ പങ്കെടുക്കും. നാളെ നടക്കുന്ന സമാപന സമ്മേളനം വൈകിട്ട് നാലിന് പട്ടികജാതി-വര്‍ഗ-പിന്നാക്കക്ഷേമ-നിയമ-സാംസ്‌കാരിക വകുപ്പ് മന്ത്രി എ.കെ. ബാലന്‍ ഉദ്ഘാടനം ചെയ്യും.