പട്ടാമ്പി: വല്ലപ്പുഴ ദാറുന്നജാത്ത് ഇസ്്‌ലാമിക് കോംപ്ലക്‌സ് വിദ്യാര്‍ത്ഥി സംഘടന നാദിയക്കുകീഴില്‍ സംഘടിപ്പിക്കുന്ന കേരളത്തിലെ ഇസ്്‌ലാം മത കലാലയങ്ങളില്‍ നിന്നുള്ള മികച്ച വിദ്യാര്‍ഥിയെ കണ്ടെത്തുന്നതിനായുള്ള സംസ്ഥാന തല ചാംപ്യന്‍ഷിപ്പ് 'ഹിപ്പോ കാമ്പസ് ദി സേ്റ്ററ്റ് ചാംപ്യന്റെ' ആദ്യ ഘട്ടമായ ലീഡേഴ്‌സ് മീറ്റിന്റെ രജിസ്‌ട്രേഷന്‍ ആരംഭിച്ചു. കാംപസ് ഹംഗാമ, ഇന്റര്‍കൊളീജിയറ്റ് മീറ്റ്, ഗ്രാന്റ് ഫിനാലെ എന്നീ മൂന്ന് വിഭാഗങ്ങളിലായി വിദ്യാര്‍ത്ഥികളുടെ പൊതു വിജ്ഞാനം, ഭാഷ (അറബി, ഇംഗ്ലീഷ്, മലയാളം), എഴുത്ത്, അവതരണം, മത വിഷയങ്ങള്‍ എന്നീ മേഖലകളിലെ ക്ഷമത പരീക്ഷിക്കപ്പെടുന്ന മത്സരത്തില്‍ യഥാക്രമം 25000, 12000, 8000 രൂപ റിവാര്‍ഡായി നല്‍കപ്പെടുന്നു. ഹിപ്പോകാംപസ് ഗുഡ്‌വില്‍ അംബാസഡര്‍ കൂടിയായ പാണക്കാട് സയ്യിദ് മുനവ്വറലി ശിഹാബ് തങ്ങളും പ്രമുഖ ട്രെയ്‌നര്‍മാരും നേതൃത്വം നല്‍കുന്ന ലീഡേഴ്‌സ് സമ്മിറ്റ് ഈ മാസം 17നു രാവിലെ 09.00 മണി മുതല്‍ വൈകുന്നേരം 04.00 മണിവരെ വല്ലപ്പുഴ ദാറുന്നജാത്ത് ക്യാംപസില്‍ നടക്കും. ലീഡേഴ്‌സ് സമ്മിറ്റില്‍ കേരളത്തിലെ ഓരോ ഇസ്‌ലാമിക സ്ഥാപനങ്ങളിലെയും വിദ്യാര്‍ഥി സംഘടനയുടെ മൂന്ന് പ്രതിനിധികള്‍ക്ക് പങ്കെടുക്കാം. രജിസ്‌ട്രേഷനായി സ്ഥാപനത്തിന്റെയും പ്രതിനിധികളുടെയും പേരും ഫോണ്‍ നമ്പറും [email protected] എന്ന ഇമെയിലിലേക്ക് ഈ മാസം 14ന് മുമ്പായി അയക്കണം. കൂടുതല്‍ വിവരങ്ങള്‍ക്ക് 9895118114, 9539149456 എന്ന നമ്പറുകളില്‍ ബന്ധപ്പെടാം.