ചെറുതുരുത്തി: മോഹിനിയാട്ടത്തിലെ കലാമണ്ഡലം ശൈലിയും ചിട്ടയും ആസ്വാദകര്‍ക്ക് പരിചയപ്പെടുത്തി കൊടുക്കുക എന്ന ലക്ഷ്യത്തോടെ കലാമണ്ഡലം ശതമോഹനം എന്ന പരിപാടിയ്ക്ക് രൂപം നല്‍കി.
മോഹിനിയാട്ടം, മൃദംഗം, കര്‍ണാടക സംഗീതം കേരളത്തിലൊട്ടാകെയുള്ള നൂറോളം വേദികളില്‍ അവതരിപ്പിയ്ക്കുകയാണ് ലക്ഷ്യം. ഇതിന് മുന്നോടിയായി പൂര്‍വ വിദ്യാര്‍ഥികള്‍ക്ക് പരിശീലനം നല്‍കും.
ഓഗസ്റ്റ് 28 മുതല്‍ 30 വരെയാണ് പരിശീലനം. പങ്കെടുക്കാന്‍ താല്‍പര്യമുള്ളവരില്‍ നിന്ന് അപേക്ഷ ക്ഷണിച്ചു. മോഹിനിയാട്ടം, മൃദംഗം, കര്‍ണാടക സംഗീതം വിഷയങ്ങളില്‍ ബിരുദവും ഡിപ്ലോമയും പൂര്‍ത്തിയായവര്‍ക്ക് അപേക്ഷിയ്ക്കാം.
അപേക്ഷകര്‍ 25നും, 45നും ഇടയില്‍ പ്രായമുള്ളവരായിരിക്കണം. ഈ മാസം 25ന് മുമ്പ് അപേക്ഷ നല്‍കണമെന്ന് രജിസ്ട്രാര്‍ അറിയിച്ചു. ഫോണ്‍ 9847677745.