ഊട്ടി: ആളില്ലാതിരുന്ന വീട് കുത്തിത്തുറന്ന് സ്വര്‍ണവും പണവും കവര്‍ന്നു. ഊട്ടി നഗരസഭാ പരിതിയിലെ ഗുഡ്‌ഷെഡ് സ്വദേശി ഖാജാ ഭായിയുടെ വീട്ടിലാണ് മോഷണം നടന്നത്.
ചികിത്സാവശ്യാര്‍ഥം കുടുംബ സമേതം കൊയമ്പത്തൂരിലേക്ക് പോയ സമയത്താണ് മോഷണം നടന്നത്. അലമാരിയില്‍ സൂക്ഷിച്ചിരുന്ന രണ്ടരപവന്‍ സ്വര്‍ണവും നാലായിരം രൂപയുമാണ് മോഷ്ടാക്കള്‍ കവര്‍ന്നത്. വീട് തുറന്ന് കിടക്കുന്നത് കണ്ട് അയല്‍വാസികളാണ് പൊലിസില്‍ വിവരം നല്‍കിയത്. സ്ഥലത്തെത്തിയ ഊട്ടി പൊലിസ് പരിശോധന നടത്തി. അലമാര തുറന്നിട്ട നിലയിലായിരുന്നു. പെലിസ് കേസെടുത്തു അന്വേഷണം ആരംഭിച്ചു.