മാനന്തവാടി: വയനാട് എക്‌സൈസ് എന്‍ഫോഴ്‌സ്‌മെന്റ് ആന്റി നര്‍കോട്ടിക്‌സ് സ്‌ക്വാഡിന്റെ വാഹന പരിശോധനക്കിടെ ഒന്നരക്കിലോ കഞ്ചാവുമായി യുവാവ് പിടിയില്‍.
കാസര്‍കോട് തളങ്കര ഖമറുന്നീസ മാനസില്‍ അബ്ദുല്‍ റൗഫ് (22)ആണ് പിടിയിലായത്. ബാവലി-എടക്കോട് പരിസരങ്ങളില്‍ നടത്തിയ വാഹന പരിശോധനയിലാണ് ബൈക്കില്‍ കഞ്ചാവുമായെത്തിയ റൗഫ് പിടിയിലിയത്. എക്‌സൈസ് ഇന്റലിജന്റസ് വിഭാഗം എസ്.ഐ എം.കെ സുനില്‍ കുമാറിന് ലഭിച്ച രഹസ്യ വിവരത്തിന്റെ അടിസ്ഥാനത്തിലായിരുന്നു പരിശോധന. സ്‌ക്വാഡ് സി.ഐ ജിമ്മി ജോസഫ്, എക്‌സൈസ് ഇന്‍സ്‌പെക്ടര്‍ പി.ജി രാധാകൃഷണല്‍ എന്നിവരുടെ നേതൃത്വത്തിലായിരുന്നു പരിശോധന.
പി.കെ പ്രഭാകരന്‍, എം.ആര്‍ ബാബുരാജ്, മുജീബ് റഹ്മാന്‍, പ്രകാശന്‍ കെ.വി, മിഥുന്‍, എ. അനില്‍, ശ്രീജ മോള്‍ ചാക്കോ എന്നിവരും പരിശോധനാ സംഘത്തിലുണ്ടായിരുന്നു.