മക്ക: പുണ്യഭൂമിയില്‍ ഈ വര്‍ഷത്തെ ഹജ്ജിനെത്തുന്ന മലയാളി ഹാജിമാരുടെ ആദ്യ സംഘം നാളെ ജിദ്ദയില്‍ എത്തും. ഞായറാഴ്ച രാവിലെ 6.45 നു കൊച്ചി അന്താരാഷ്ട്ര വിമാനത്താവളത്തില്‍ നിന്ന് മലയാളി ഹാജിമാരുടെ ആദ്യ സംഘത്തെയും വഹിച്ചുള്ള വിമാനം സഊദി സമയം 10:15 നാണു ജിദ്ദ അന്താരാഷ്ട്ര വിമാനത്താവളത്തിലെ ഹജ്ജ് ടെര്‍മിനലില്‍ ഇറങ്ങുക. സഊദി എയര്‍ലൈന്‍സിന്റെ എയര്‍ബസ് എ300 വിമാനത്തില്‍ 300 ഹാജിമാരാണ് ഉണ്ടണ്ടാവുക.
കൊച്ചിയില്‍ നിന്നുമെത്തുന്ന ആദ്യ സംഘത്തെ സ്വീകരിക്കാന്‍ വിവിധ മലയാളി സംഘടനകള്‍ ഒരുങ്ങിക്കഴിഞ്ഞു. മലയാളി സംഘടനകളുടെ കീഴില്‍ പ്രവര്‍ത്തിക്കുന്ന വളണ്ടിയര്‍ സംഘങ്ങള്‍ ജിദ്ദയില്‍ ഇന്ത്യന്‍ ഹാജിമാരുടെ ആവശ്യങ്ങള്‍ നിറവേറ്റുന്നതിനായി കര്‍മ നിരതരായിട്ടുണ്ടെണ്ടങ്കിലും സ്വന്തം നാട്ടുകാരായ ഹാജിമാരുടെ സേവനത്തിനായി കൂടുതല്‍ സൗകര്യങ്ങളും ആളുകളെയും ഒരുക്കി ഇവര്‍ തയാറായിക്കഴിഞ്ഞു.
ഇന്ത്യയിലെ വിവിധ എംബാര്‍ക്കേഷന്‍ പോയിന്റുകളില്‍ നിന്നായി ഇതിനകം എഴുപത്തിനായിരത്തിനടുത്ത് ഹാജിമാര്‍ എത്തിയിട്ടുണ്ട്.
നേരത്തെ മദീനയില്‍ എത്തിയ ഹാജിമാരില്‍ ഭൂരിഭാഗവും മക്കയിലേക്ക് തിരിച്ചിട്ടുണ്ട്ണ്ട്. ഇരുപത്തിനായിരത്തില്‍ കുറവ് തീഥാടകര്‍ മാത്രമാണ് ഇപ്പോള്‍ മദീനയിലുള്ളത്. ഇവര്‍ വരും ദിവസങ്ങളില്‍ മക്കയില്‍ എത്തിച്ചേരും.
ഔട്ട് പേഷ്യന്റ് വിഭാഗത്തില്‍ മക്കയില്‍ 4016 ഉം മദീനയില്‍ 1500 ഉം മൊബൈല്‍ ക്ലിനിക്കുകളില്‍ മക്കയില്‍ 180 ഉം മദീനയില്‍ 184 ഉം തീര്‍ഥാടകര്‍ ചികില്‍സ തേടിയതായി ഇന്ത്യന്‍ ഹജ്ജ് മിഷന്‍ അറിയിച്ചു. ഹജ്ജ് കമ്മിറ്റി മുഖേന ഉത്തരേന്ത്യയില്‍ നിന്നെത്തിയ നാലു തീര്‍ഥാടകര്‍ ഇതിനകം മരിച്ചിട്ടുണ്ടണ്ട്.