മുംബൈ: വ്യാജവാര്‍ത്തകളുടെ എന്‍സൈക്ലോപീഡിയയാണ് പ്രധാനമന്ത്രി നരേന്ദ്രമോദിയെന്ന് ജെ.എന്‍.യു മുന്‍ വിദ്യാര്‍ത്ഥി നേതാവ് കനയ്യ കുമാര്‍. വ്യാജവാര്‍ത്തകള്‍കൊണ്ട് ജനങ്ങളെ വിഡ്ഢികളാക്കാന്‍ മോദിക്കാവില്ലെന്നും അദ്ദേഹം പറഞ്ഞു.

'ഞാന്‍ ഈ നൂറ്റാണ്ടിലെ ആളാണ്. എന്റെ ധാര്‍മികതയും ആദര്‍ശവും തീരുമാനിക്കുന്നത് ഞാനാണ്. '

'അവര്‍ രാമക്ഷേത്രങ്ങളെക്കുറിച്ച് സംസാരിക്കട്ടെ. നമ്മള്‍ നമ്മുടെ മൗലികാവകാശങ്ങളെക്കുറിച്ച് സംസാരിക്കും'- കനയ്യകുമാര്‍ പറഞ്ഞു.

'അവര്‍ക്ക് അയോധ്യയില്‍ രാമക്ഷേത്രം നിര്‍മ്മിക്കാം, പശുവിനെ ആരാധിക്കേണ്ടവര്‍ക്ക് അത് ചെയ്യാം. പക്ഷെ നമ്മള്‍ സംസാരിക്കുന്നത് അഴിമതിരഹിത സമൂഹത്തെക്കുറിച്ചും നല്ല റോഡുകളെക്കുറിച്ചും വിദ്യാഭ്യാസത്തെക്കുറിച്ചും തൊഴിലിനെക്കുറിച്ചുമായിരിക്കും'. 2016ല്‍ കാമ്പസിനുള്ളില്‍ പ്രകോപനപരമായ മുദ്രാവാക്യം വിളിച്ചെന്ന തനിക്കെതിരായ കേസിനെ കുറിച്ച ചോദ്യത്തിന് കോടതിയില്‍ കാണാമെന്നായിരുന്നു കനയ്യയുടെ മറുപടിയ തനിക്കെതിരെ തെളിവൊന്നുമില്ലെന്ന് തീര്‍ച്ചയാണെന്നും അദ്ദേഹം പറഞ്ഞു.

സമൂഹത്തില്‍ ഭയത്തിന്റെ അന്തരീക്ഷം തങ്ങിനില്‍ക്കുന്നുണ്ട്. എന്നാല്‍ ജനങ്ങള്‍ അവരുടെ അവകാശങ്ങളെക്കുറിച്ച് ബോധവാന്‍മാരാണ്- അദ്ദേഹം ചൂണ്ടിക്കാട്ടി. ബുലന്ദ്ശഹര്‍ കലാപവുമായി ബന്ധപ്പെട്ട് നസറുദ്ദീന്‍ ഷാ നടത്തിയ പരാമര്‍ശത്തെ കുറിച്ച് അദ്ദേഹം പ്രതികരിച്ചു.