റിയാദ്: കരിപ്പൂരിലേക്ക് അടുത്തിടെ സര്‍വിസ് ആരംഭിച്ച സഊദി എയര്‍ലൈന്‍സ് കാര്‍ഗോ സര്‍വിസും ആരഭിച്ചു. ആഴ്ചയില്‍ 60 ടണ്ണോളം ചരക്കുകള്‍ കടത്താനാണ് സഊദി എയര്‍ലൈന്‍സ് കാര്‍ഗോ കമ്പനിയായ സഊദി കാര്‍ഗോ തയ്യാറായതെന്നു റിപ്പോര്‍ട്ടില്‍ വ്യക്തമാക്കി.

നിലവില്‍ കരിപ്പൂരിലേക്ക് സഊദിയിലെ ജിദ്ദ, റിയാദ് എന്നിവിടങ്ങളില്‍ നിന്നുമാണ് നേരിട്ട് സര്‍വ്വീസുകള്‍ നടക്കുന്നത്. ഇതേ സെക്റ്ററില്‍ തന്നെ കാര്‍ഗോ സര്‍വ്വീസുകള്‍ ആരംഭക്കുന്നത് ചരക്ക് കടത്ത് രംഗത്തു കൂടുതല്‍ വളര്‍ച്ച കൈവരിക്കാനാകുമെന്നാണ് കരുതുന്നത്.

ഏഷ്യയിലെ പ്രധാന സെക്ടറുകളിലൊന്നായ ഇവിടെ കാര്‍ഗോ സര്‍വ്വീസ് ആരഭിക്കുന്നത് ചരക്ക് കടത്തു രംഗത്ത് കൂടുതല്‍ പിന്തുണയ്ക്കുകയും ശക്തിപ്പെടുത്തുകയും ചെയ്യുമെന്നു സഊദിയ കാര്‍ഗോ സി.ഇ.ഒ ഒമര്‍ ഹരീരി പറഞ്ഞു.