റിയാദ്: സഊദി മുന്‍ മന്ത്രിയും രാജകുടുംബാംഗവുമായ തലാല്‍ ബിന്‍ അബ്ദുല്‍ അസീസ് (87) അന്തരിച്ചു. സഊദിയിലെ ധനികനായ അല്‍ വലീദ് ബിന്‍ തലാലിന്റെ പിതാവാണ്. രാജ്യത്ത് ഭരണഘടനാ പരിഷ്‌കരണമാവശ്യപ്പെട്ട് പ്രതിഷേധം നയിച്ച തലാലിന്റെ പാസ്‌പോര്‍ട്ട് അറുപതുകളില്‍ സഊദി റദ്ദാക്കിയിരുന്നു.
തുടര്‍ന്ന് വിദേശത്ത് അഭയംതേടിയ അദ്ദേഹം, ഫൈസല്‍ ബിന്‍ അബ്ദുല്‍ അസീസ് അല്‍ സഊദിന്റെ ഭരണകാലത്താണ് രാജ്യത്ത് തിരിച്ചെത്തിയത്. 1954ല്‍ സഊദിയിലെ ആദ്യ വൊക്കേഷനല്‍ സ്‌കൂള്‍ ആരംഭിക്കുന്നതും 1957ല്‍ റിയാദില്‍ ആദ്യ ഗേള്‍സ് സ്‌കൂള്‍ സ്ഥാപിക്കുന്നതും തലാലാണ്.