കൊല്ലം: വനിതാ മതിലിന്റെ പേരില്‍ സി.പി.എമ്മും സംസ്ഥാന സര്‍ക്കാരും ഇരുട്ടില്‍ തപ്പുകയാണെന്ന് എന്‍.കെ പ്രേമചന്ദ്രന്‍ എം.പി. വനിതാ മതിലിന്റെ ഉദ്ദേശത്തെക്കുറിച്ചും നടപ്പാക്കുന്ന രീതിയെ ക്കുറിച്ചും മുഖ്യമന്ത്രിയും സി.പി.എമ്മും പരസ്പര വിരുദ്ധമായ പ്രസ്താവനയും നടപടികളുമാണ് ഓരോ ദിവസവും സ്വീകരിച്ചു വരുന്നത്. കേരളത്തില്‍ സി.പി.എമ്മിന്റെ നയപരിപാടിയില്‍ വിയോജിക്കുന്നവരെ ആര്‍.എസ്.എസ് വല്‍ക്കരിക്കുവാന്‍ നടത്തുന്ന ശ്രമം ഭാവിയില്‍ സി.പി.എമ്മിനെ തിരിഞ്ഞു കൊത്തുമെന്ന തിരിച്ചറിവുണ്ടാകണമെന്നും എന്‍.കെ പ്രേമചന്ദ്രന്‍ എം.പി പ്രസ്താവനയില്‍ പറഞ്ഞു.