കണ്ണൂര്‍: അധികാര വികേന്ദ്രീകരണത്തെക്കുറിച്ച് ദക്ഷിണ കൊറിയയിലെ സിയോളില്‍ ഈ മാസം 16 മുതല്‍ 18 വരെ നടക്കുന്ന രാജ്യാന്തര സമ്മേളനത്തില്‍ ഇന്ത്യയില്‍ നിന്നു മുന്‍ കില ഡയറക്ടറും കേന്ദ്ര പഞ്ചായത്തിരാജ് മന്ത്രാലയം വിദഗ്ധ സമിതി അംഗവുമായ ഡോ. പി.പി ബാലന്‍ പങ്കെടുക്കും.
രണ്ടു സെഷനുകളിലായി ഇന്ത്യയിലെ പ്രാദേശിക ഭരണകൂടത്തെക്കുറിച്ചും കേരളത്തിലെ പങ്കാളിത്ത ആസൂത്രണത്തെകുറിച്ചും പ്രബന്ധങ്ങള്‍ അവതരിപ്പിക്കും.
കൊറിയന്‍ ലോക്കല്‍ ഗവണ്‍മെന്റ് അസോസിയേഷനാണു പരിപാടി സംഘടിപ്പിക്കുന്നത്.