പെരുമ്പാവൂര്‍:  സ്വകാര്യ ബസ് നിയന്ത്രണം വിട്ട് ഓടയില്‍ പതിച്ചു. ടയറുകള്‍ ഓടയില്‍ കുടുങ്ങിയത് മൂലം സമീപത്തെ സ്ഥാപനത്തിലേക്ക് ഇടിച്ച് കയറായെ വന്‍ അപകടം ഒഴിവായി. ഇന്നലെ വൈകീട്ട് എ.എം റോഡില്‍ മില്ലുപടിയിലാണ് സംഭവം. എറണാകുളം - പെരുമ്പാവൂര്‍ റൂട്ടില്‍ സര്‍വീസ് നടത്തുന്ന കൊച്ചി വീല്‍സ് എന്ന ബസാണ് അപകടത്തില്‍പ്പെട്ടത്.
എറണാകുളം ഭാഗത്ത് നിന്നും വന്ന ബസ് മില്ലുംപടിയില്‍ വച്ച് നിയന്ത്രണം വിട്ട് സമീപത്തെ അലോ ബേബി എന്ന സ്ഥാപനത്തിന് മുന്നിലേക്ക് എത്തിയെങ്കിലും സ്ഥാപനത്തിന് മുന്നിലെ ഓടയില്‍ ബസിന്റെ ചക്രങ്ങള്‍ കുടുങ്ങിയതിനാല്‍ വന്‍ അപകടം ഒഴിവാകുകയായിരുന്നു.