പറവൂര്‍: ഐ.സി.ഡി.എസ് പറവൂര്‍ പ്രൊജക്ടിന്റെ ആഭിമുഖ്യത്തില്‍ നടന്ന ലോക മുലയൂട്ടല്‍ വാരാഘോഷം  സമാപിച്ചു. പറവൂര്‍ ടൗണ്‍ ഹാളില്‍ നടന്ന സമാപന ചടങ്ങ് പറവൂര്‍ ബ്ലോക്ക് പഞ്ചായത്ത് പ്രസിഡന്റ്  യേശുദാസ് പറപ്പിള്ളി ഉദ്ഘാടനം ചെയ്തു. വൈസ് പ്രസിഡന്റ് രമാ ശിവശങ്കരന്‍ അധ്യക്ഷയായി. സി.ഡി.പി.ഒ അമ്മിണി, സി.ഡി.എസ് സുപ്പര്‍വൈസര്‍ ജാന്‍സി, ബ്ലോക്ക് പഞ്ചായത്ത് മെമ്പര്‍മാരായ രശ്മി ആസാദ്, ടി.ഡി സുധീര്‍ മേരി ലൂക്കോസ്, എം കെ നിഷ, അമ്പിളി അഗസ്റ്റിന്‍, വി ജെ വേണു എന്നിവര്‍ സംസാരിച്ചു. ഡോ. ശിവ പ്രസാദ് ക്ലാസെടുത്തു. അംഗന്‍വാടി പ്രവര്‍ത്തകര്‍ക്കായി നടത്തിയ പ്രശ്‌നോത്തരി മത്സര വിജയികള്‍ക്ക് സമ്മാന വിതരണവും നടന്നു.