ജിദ്ദ: സഊദിയില്‍ സ്ത്രീശാക്തീകരണം കൂടുതല്‍ മേഖലകളിലേക്ക്. സ്ത്രീകള്‍ക്ക് െ്രെഡവിംഗ് ലൈസന്‍സ് അനുവദിച്ചതിന് പിന്നാലെ അഗ്‌നിശമന സേനയിലും സ്വദേശി വനിതകള്‍ക്ക് പ്രാതിനിധ്യം. ആരാംകോം കമ്പനിയാണ് അഗ്‌നിശമന രംഗത്തെ പതിവുപരിശീലന പരിപാടിയില്‍ രണ്ട് സ്ത്രീകളേയും ഉള്‍പ്പെടുത്തിയത്.

ആദ്യമായാണ് അഗ്‌നിശമന ജോലി രംഗത്ത് സഊദി സ്ത്രീകള്‍ രംഗത്തുവരുന്നതെന്നും ഏറെ സന്തോഷത്തിന് വക നല്‍കുന്ന കാര്യമാണിതെന്നും പ്രോഗ്രാം മേധാവി ഗസാന്‍ അബുല്‍ഫറജ് പറഞ്ഞു. അഗ്‌നിശമന വിഭാഗത്തില്‍ ചേരുകയെന്നത് വലിയ സ്വപ്നമായിരുന്നുവെന്നും ഇപ്പോഴത് യഥാര്‍ഥ്യമായെന്നും പരിശീലനം നേടിയ ജാസി അല്‍ ദോസരി പറഞ്ഞു. പിതാവ് അഗ്‌നിശമന ജോലിക്കാരാനായിരുന്നു. കുടുംബത്തിലൊരാള്‍ ആ പാത പിന്തുടരുന്നതില്‍ പിതാവ് അഭിമാനം കൊള്ളുന്നതായും അവര്‍ പറഞ്ഞു.

കമ്പനിയിലെ അഗ്‌നിശമന ജോലിക്കാരില്‍ ഒരാളാവാന്‍ കഴിഞ്ഞതില്‍ അഭിമാനിക്കുന്നതായി പരിശീലനം പൂര്‍ത്തിയാക്കിയ വനിത അബീര്‍ അല്‍ജബര്‍ പറഞ്ഞു.