കോട്ടയം: ഇന്നലെ രാവിലെ എട്ടുമുതല്‍ രാത്രി എട്ടുവരെ ജില്ലയിലുടനീളം ഓട്ടോറിക്ഷാ പരിശോധന നടത്തി. 1244 ഓട്ടോറിക്ഷകള്‍ പരിശോധിച്ചതില്‍ പെര്‍മിറ്റില്ലാതെ വാഹനം ഓടിച്ചതിന് 28 പേര്‍ക്കെതിരെയും മദ്യപിച്ച് വാഹനമോടിച്ച അഞ്ചു പേര്‍ക്കെതിരെയും മലിനീകരണ സര്‍ട്ടിഫിക്കറ്റ്  ഇല്ലാത്തതിന് 177 പേര്‍ക്കെതിരെയും നടപടി സ്വീകരിച്ചു. മറ്റു വാഹനങ്ങള്‍ പരിശോധിച്ചതില്‍ മദ്യപിച്ച് വാഹനമോടിച്ച 57 പേര്‍ക്കെതിരെയും  അമിതവേഗതയിലും അശ്രദ്ധമായും വാഹനമോടിച്ചതിന്  100 പേര്‍ക്കെതിരെയും മറ്റു ഗതാഗത നിയമലംഘനങ്ങള്‍ക്ക് 32 പേര്‍ക്കെതിരെയും നിയമനടപടി സ്വീകരിച്ചതായി പൊലിസ് അറിയിച്ചു. കൂടാതെ വണ്‍വേ സംവിധാനം പാലിക്കാത്തതിന് 76 പേര്‍ക്കെതിരേയും നിയമനടപടി സ്വീകരിച്ചു.