നെടുങ്കണ്ടം : വിദ്യാര്‍ഥികള്‍ക്കിടയില്‍ വ്യാപകമായി കഞ്ചാവെത്തിച്ചുകൊടുത്തിരുന്ന യുവാക്കള്‍ എക്‌സൈസ് പിടിയില്‍.
നെടുങ്കണ്ടം മഞ്ഞപ്പെട്ടി വരിക്കപ്ലാവിള ബിനു (19), വടയാട്ട് എമിന്‍ (19) എന്നിവരാണ് പിടിയിലായത്.  ഉടുമ്പന്‍ചോല എക്‌സൈസ് ഇന്‍സ്‌പെക്ടര്‍ എസ്.ഷാജിയുടെ നേതൃത്വത്തിലുള്ള സംഘമാണ് പ്രതികളെ അറസറ്റ് ചെയ്തത്. നെടുങ്കണ്ടം മേഖലകളിലെ സ്‌കൂളുകളും, കോളജുകളും കേന്ദ്രീകരിച്ച് കഞ്ചാവ് വില്‍പ്പന നടത്തിയിരുന്ന സംഘത്തിലെ പ്രധാനികളാണ് പിടിയിലായത്. കമ്പത്ത് നിന്നും കഞ്ചാവ് വാങ്ങി തമിഴ്‌നാട് രജിസ്‌ട്രേഷനിലുള്ള ബൈക്കില്‍ വരുന്നതിനിടെ നെടുങ്കണ്ടം തിരുവല്ലാപ്പടിയില്‍ നിന്നാണ് യുവാക്കളെ പിടികൂടിയത്.   പ്രതികളുടെ ബാഗില്‍ ഒളിപ്പിച്ച നിലയില്‍ 100 ഗ്രാം കഞ്ചാവും കണ്ടെത്തി.   വിദ്യാര്‍ഥികള്‍ക്ക് അഞ്ച് ഗ്രാമിനു 100 രൂപ നിരക്കിലാണ്  കഞ്ചാവ് വില്‍പ്പന നടത്തിയത്. അറസ്റ്റ് ചെയ്ത പ്രതികളെ നെടുങ്കണ്ടം കോടതിയില്‍ ഹാജരാക്കി.