മുസാഫര്‍നഗര്‍: ഉത്തര്‍പ്രദേശിലെ മുസാഫര്‍ നഗര്‍ വര്‍ഗീയ കലാപത്തിലെ പ്രതികളിലൊരാളെ ദുരൂഹ സാഹചര്യത്തില്‍ മരിച്ച നിലയില്‍ കണ്ടെത്തി. സിഖേത ഗ്രാമത്തിലാണ് സോദന്‍ സിങ് എന്നയാളെ മരിച്ച നിലയില്‍ കണ്ടെത്തിയത്. വീട്ടിലെ മുറിയില്‍ ഫാനില്‍ കെട്ടിത്തൂങ്ങിയ നിലയിലാണ് മൃതദേഹം കാണപ്പെട്ടത്. സംഭവത്തില്‍ പൊലിസ് അന്വേഷണം തുടങ്ങി. 2013 ഓഗസ്റ്റ്, സെപ്റ്റംബര്‍ മാസങ്ങളിലാണ് മുസാഫര്‍ നഗറില്‍ വര്‍ഗീയ കലാപമുണ്ടായത്. അക്രമങ്ങളില്‍ 60 പേര്‍ മരിക്കുകയും 40,000 പേര്‍ക്ക് വീട് വിട്ടോടിപ്പോകേണ്ടിയും വന്നിരുന്നു. കലാപത്തിനിടയില്‍ സ്ത്രീകളെ ലൈംഗിക പീഡനത്തിനിരയാക്കിയവരില്‍ മുഖ്യപ്രതിയായിരുന്നു സോദന്‍ സിങ്.