കൊല്ലം: തനിക്കെതിരേ ഇപ്പോഴും ചില കേന്ദ്രങ്ങളില്‍ ഗൂഡാലോചന സജീവമാണെന്ന് പി.ഡി.പി ചെയര്‍മാന്‍ അബ്ദുല്‍ നാസര്‍ മഅ്ദനി. മഅ്ദനിയുടെ മകന്റെ വിവാഹ സല്‍ക്കാരത്തില്‍ മാധ്യമങ്ങളോട് സംസാരിക്കുകയായിരുന്നു അദ്ദേഹം. ദൈവ മാര്‍ഗത്തില്‍ സഞ്ചരിക്കുന്ന താന്‍ ഇതുവരെ ക്ഷേത്രങ്ങള്‍ക്കോ ഹിന്ദുമതത്തിനെതിരായോ ഒരു വാക്കു പോലും ഉച്ചരിച്ചിട്ടില്ല.
ഇത് സംബന്ധിച്ച് ആരെങ്കിലും തെളിയിച്ചാല്‍ ജീവിതത്തില്‍ ഇനി മൈക്ക് തൊടില്ല. എന്നാല്‍ ഫാസിസത്തിനെതിരേ ഇനിയും ശബ്ദിക്കും. എത്ര പ്രകോപിപ്പിച്ചാലും താന്‍ പ്രകോപിതനാകില്ല. പണ്ട് സംസാര രീതിയിലും മറ്റും തെറ്റുകള്‍ സംഭവിച്ചിരിക്കാം. ഇക്കാര്യത്തില്‍ ആര്‍ക്കെങ്കിലും മുറിവേറ്റിട്ടുണ്ടെങ്കില്‍ മാപ്പിരക്കുന്നതായും മഅ്ദനി പറഞ്ഞു.