കൊച്ചി: എതിര്‍പ്രചാരണങ്ങള്‍ വനിതാ മതിലിന് കൂടുതല്‍ കരുത്തുപകരുമെന്ന് അഖിലേന്ത്യ ജനാധിപത്യ മഹിളാ അസോ. സെക്രട്ടറി അഡ്വ. പി. സതീദേവി വാര്‍ത്താസമ്മേളനത്തില്‍ പറഞ്ഞു. വനിതാ മതില്‍ ചരിത്ര വിജയമാകും.
വര്‍ഗീയ കലാപത്തിന് ആക്കംകൂട്ടാനും സ്ത്രീവിരുദ്ധത പ്രചരിപ്പിക്കാനുമാണ് പ്രതിപക്ഷ നേതാവ് ശ്രമിക്കുന്നതെന്നും അവര്‍ പറഞ്ഞു.
പുരോഗമന ആശയം ഉയരുന്ന സമയത്ത് പഴഞ്ചന്‍ നിലപാടുകള്‍ ഉയര്‍ത്തിക്കൊണ്ടുവരാന്‍ എല്ലാകാലത്തും ശ്രമം ഉണ്ടായിട്ടുണ്ട്. എന്നാല്‍ ഇതിനെയെല്ലാം തരണം ചെയ്യും.
വനിതാ മതിലിന് പിന്തുണ പ്രഖ്യാപിച്ചു സംസ്ഥാനത്തൊട്ടാകെ വിളംബര ഘോഷയാത്രകള്‍ സംഘടിപ്പിക്കുമെന്നും സതീദേവി പറഞ്ഞു.
അസോ. അധ്യക്ഷ സൂസന്‍ കോടി, ട്രഷറര്‍ സി.എസ് സുജാത തുടങ്ങിയവര്‍ വാര്‍ത്താസമ്മേളനത്തില്‍ പങ്കെടുത്തു.