കുറ്റ്യാടി: മദ്‌റസകള്‍ വിശുദ്ധ ഖുര്‍ആന്റെ അധ്യാപന കേന്ദ്രങ്ങളാണെന്ന് പാണക്കാട് സയ്യിദ് സാദിഖലി ശിഹാബ് തങ്ങള്‍. നിട്ടൂര്‍ തൊടുവളപ്പ് നൂറുല്‍ ഹുദാ ഹയര്‍ സെക്കന്‍ഡറി മദ്‌റസയുടെ പുതിയ കെട്ടിടം ഉദ്ഘാടനം ചെയ്യുകയായിരുന്നു തങ്ങള്‍. ഒരു സ്ഥാപനത്തിന്റെ ശക്തിയെന്നത് സ്ഥാപനത്തെ സ്‌നേഹിക്കുന്ന മനസുകളാണെന്നും തങ്ങള്‍ കൂട്ടിച്ചേര്‍ത്തു.
ചടങ്ങില്‍ കെ. കുഞ്ഞമ്മദ് ബാഖവി അധ്യക്ഷനായി. പി. അമ്മദ് മാസ്റ്റര്‍, സലാല സുന്നി സെന്റര്‍ കമ്മിറ്റി അംഗം ലത്തീഫ് ഫൈസി തിരുവള്ളൂര്‍, അഷ്‌റഫ് ദാരിമി വളാഞ്ചേരി, മലയില്‍ അന്ത്രു ഹാജി, എന്‍.കെ പൂക്കോയ തങ്ങള്‍, പൊന്നങ്കോട്ട് അമ്മത് ഹാജി, എം. അമ്മദ് ഹാജി, എ.പി മൊയ്തു മാസ്റ്റര്‍, ടി. ഷഫീദ്, സി.പി മൂസ, ഹാരിസ് റഹ്മാനി സംസാരിച്ചു.