കോഴിക്കോട്: പ്രവാചക ജീവിതത്തിന്റെ പാരമ്പര്യവും പൈതൃകവും മുറുകെ പിടിച്ചു കാലോചിതമായി വിദ്യാഭ്യാസ, സാംസ്‌കാരിക നവോത്ഥാന മേഖലയില്‍ നേതൃത്വപരമായ പങ്കുവഹിച്ച പണ്ഡിതനായിരുന്നു അത്തിപ്പറ്റ മുഹ്‌യിദ്ധീന്‍ കുട്ടി മുസ്ലിയാരെന്ന് എസ്.വൈ.എസ് സംസ്ഥാന ജന.സെക്രട്ടറി സയ്യിദ് മുഹമ്മദ് കോയ ജമലുല്ലൈലി തങ്ങള്‍ അഭിപ്രായപ്പെട്ടു.
സമസ്ത കോ-ഓഡിനേഷന്‍ കമ്മറ്റി കോഴിക്കോട് ജില്ലാ കമ്മറ്റി നടത്തിയ അനുസ്മരണ സമ്മേളനവും ദുആ സദസ്സും ഉദ്ഘാടനം ചെയ്തു സംസാരിക്കുകയായിരുന്നു. സമസ്ത ജില്ലാ പ്രസിഡന്റ് ചേലക്കാട് മുഹമ്മദ് മുസ്‌ലിയാര്‍ അധ്യക്ഷനായി. വാവാട് കുഞ്ഞിക്കോയ മുസ്‌ലിയാര്‍ ദുആ സദസിന് നേതൃത്വം നല്‍കി. കെ.ഉമ്മര്‍ ഫൈസി മുക്കം, എ.വി.അബ്ദുറഹിമാന്‍ മുസ്‌ലിയാര്‍,അബ്ദുല്‍ ഹമീദ് ഫൈസി അമ്പലക്കടവ് ,അബ്ദുസ്സമദ് പൂക്കോട്ടൂര്‍, ഒളവണ്ണ അബൂബക്കര്‍ ദാരിമി, എന്‍. അബ്ദുല്ല മുസ്‌ലിയാര്‍, യൂസുഫ് ബാഖവി കരീറ്റിപ്പറമ്പ്, അബ്ദുല്‍ ബാരി ബാഖവി, സി.എച്ച്.മഹ്മൂദ് സഅദി, മുസ്തഫ മുണ്ടുപാറ, സയ്യിദ് മുബ ശിര്‍ തങ്ങള്‍, അബ്ദു ലത്തീഫ് ഫൈസി തിരുവള്ളൂര്‍ (സലാല), മലയമ്മ അബൂബക്കര്‍ ഫൈസി, നവാസ് പുനൂര്‍, ടി.വി.സി.സമദ് ഫൈസി, കെ.പി.കോയ, ഒ.പി.അഷ്‌റഫ്, അഷ്‌റഫ് ബാഖവി ചാലിയം പ്രസംഗിച്ചു. കണ്‍വീനര്‍ നാസര്‍ ഫൈസി കൂടത്തായി സ്വാഗതവും സലാം ഫൈസി മുക്കം നന്ദിയും പറഞ്ഞു.