ഊട്ടി: കുന്നൂര്‍ കേന്ദ്രമായി പ്രവര്‍ത്തിക്കുന്ന ചായപ്പൊടി വാണിജ്യകേന്ദ്രത്തില്‍ നടന്ന ലേലത്തില്‍ വിറ്റത് 15 കോടിയുടെ ചായപ്പൊടി. 19,71,000 കിലോ ചായപ്പൊടിയാണ് കഴിഞ്ഞ ദിവസം കേന്ദ്രത്തില്‍ ലേലത്തിനുണ്ടായിരുന്നത്. ഇതില്‍ 12,7100 കിലോ ഇല ഇനത്തിലും ഏഴു ലക്ഷം കിലോ പൊടി ഇനത്തിലുമായിരുന്നു.
ഇതില്‍ 15,56,000 കിലോയാണ് വിറ്റുപോയത്. 80 ശതമാനവും വിറ്റഴിഞ്ഞ സി.ടി.സി ഇനത്തിന് കിലോക്ക് 235 രൂപയും ഓര്‍ത്തോഡക്‌സ് ഇനത്തിന് 236 രൂപയും ലഭിച്ചു. ഇല ഇനത്തിന് ശരാശരി വിലയായി 80 മുതല്‍ 88 രൂപ വരെയും ഉയര്‍ന്ന തരത്തിന് 112 മുതല്‍ 120 രൂപയും പൊടിയിനത്തിന് കിലോക്ക് 82 മുതല്‍ 90 വരെയും ഉയര്‍ന്ന തരത്തിന് 118 മുതല്‍ 124 വരെ വിലയുമാണ് ലഭിച്ചത്.