സുല്‍ത്താന്‍ ബത്തേരി: ടൗണിലെ കടകളില്‍ നടത്തിയ പരിശോധനയില്‍ നിരോധിത പാന്‍മസാല ഉല്‍പന്നങ്ങള്‍ പിടികൂടി.
നാര്‍ക്കോട്ടിക് സെല്ലിലെ പ്രത്യേക പരിശീലനം നേടിയ ബ്രൂണോ എന്ന നായയുടെ സഹായത്തോടെ നടത്തിയ പരിശോധനയിലാണ് പാന്‍മസാല പിടിച്ചെടുത്തത്. സംഭവത്തില്‍ രണ്ടു കച്ചവടക്കാര്‍ക്കെതിരേ പൊലിസ് കേസെടുത്തു.
ബത്തേരി കക്കോടന്‍ പമ്പിന് സമീപത്തുള്ള നജ്മിഗു സ്‌റ്റേഷനറി ഷോപ്പില്‍ നിന്നും 33 കൂള്‍ലിപ്പും ചുങ്കത്തുള്ള ബിസ്്മി സ്റ്റോറില്‍നിന്ന് 36 ഹാന്‍സടക്കം 59 നിരോധിത പാന്‍മാസാല പാക്കറ്റുകള്‍ പിടികൂടി.
സംഭവത്തില്‍ കട നത്തിപ്പുകാരായ മണിച്ചിറ സ്വദേശി റഷീദ്, പുത്തന്‍കുന്ന് സ്വദേശി അഷ്‌റഫ്് എന്നിവര്‍ക്കെതിരെയാണ് പൊലിസ് കേസെടുത്തത്. ഹരിയാനയില്‍ നിന്നും ലഹരി വസ്തുക്കള്‍ കണ്ടെത്തുന്നതില്‍ പ്രത്യേക പരിശീലനം നേടിയ നായയാണ് ബ്രൂണോ.