ഷൊര്‍ണൂര്‍: ദീര്‍ഘദൂര കെ.എസ്.ആര്‍.ടി.സി ബസ് സര്‍വിസുകള്‍ ഷൊര്‍ണൂര്‍ സ്റ്റാന്‍ഡില്‍ വരാതെ പോകുന്നതു കാരണം യാത്രക്കാര്‍ വലയുന്നു. ബസുകളിലെ ഡ്രൈവര്‍മാരുടെ മനസു പോലെയിരിക്കും ബസുകള്‍ ഷൊര്‍ണൂര്‍ ടൗണിലൂടെ വരൂന്നത്. ടൗണില്‍ നിന്ന് ഒരു കീലോമീറ്റര്‍ അകലെയുള്ള ബൈപാസ് റോഡ് വഴി ചെറുതുരുത്തിയിലേക്ക് പോകുകയാണ് ചെയുന്നത്. ബസ് സ്റ്റാന്‍ഡില്‍ സ്റ്റേഷന്‍ മാസ്റ്റര്‍ ഓഫിസ് ഉണ്ടായിരുന്നപ്പോള്‍ ബസ് ജീവനക്കാര്‍ ഇവിടെ വന്ന് ഒപ്പിട്ട് പോകണമെന്നായിരുന്നു. എന്നാല്‍ സ്റ്റേഷന്‍ മാസ്റ്റര്‍ ഓഫിസും നിര്‍ത്തലാക്കിയതോടെ ബസ് ജീവനക്കാര്‍ സ്റ്റാന്‍ഡിനെ തള്ളുകയായിരുന്നു. ഇതു മൂലം റെയില്‍വേ സ്റ്റേഷന്‍, ടൗണ്‍ എന്നിവിടങ്ങളില്‍ ബസ് കാത്ത് നില്‍ക്കുന്നവര്‍ ദുരിതത്തിലാവുകയാണ്. രാത്രിയിലും ഇതു തന്നെയാണി സ്ഥിതി.