താമരശേരി: സര്‍ക്കാരുകള്‍ ഭരണപരാജയം മറച്ചു വയ്ക്കാന്‍ അക്രമങ്ങള്‍ക്കും കൊലപാതകങ്ങള്‍ക്കും പ്രോത്സാഹനം നല്‍കുകയാണെന്ന് മുസ്‌ലിം ലീഗ് സംസ്ഥാന വൈസ് പ്രസിഡന്റണ്ട് സി. മോയിന്‍കുട്ടി പറഞ്ഞു. കേന്ദ്ര-സംസ്ഥാന സര്‍ക്കാരുകളുടെ ജനവിരുദ്ധ നയങ്ങള്‍ക്കെതിരേ മുസ്‌ലിംലീഗ് സംസ്ഥാന കമ്മിറ്റിയുടെ ആഹ്വാന പ്രകാരം കൊടുവള്ളി നിയോജക മണ്ഡലം കമ്മിറ്റിയുടെ ആഭിമുഖ്യത്തില്‍ താമരശേരിയില്‍ നടന്ന സമര സംഗമം ഉദ്ഘാടനം ചെയ്യുകയായിരുന്നു അദ്ദേഹം. യു.പി.എ ഗവണ്‍മെന്റ് നടപ്പാക്കിയ ക്ഷേമ പദ്ധതികള്‍ നിര്‍ത്താലക്കി പാവപ്പെട്ട ജനവിഭാഗത്തെ ചവിട്ടിമെതിക്കുന്ന മോഡി കോര്‍പറേറ്റുകളുടെ ഇഷ്ടതോഴനായെന്നും ഇതേ പാതയിലാണ് കേരളത്തില്‍ പിണറായി വിജയന്‍ പ്രവര്‍ത്തിക്കുന്നതെന്നും അദ്ദേഹം പരഞ്ഞു. മണ്ഡലം മുസ്‌ലിം ലീഗ് പ്രസിഡന്റണ്ട് വി.എം ഉമ്മര്‍ മാസ്റ്റര്‍ അധ്യക്ഷനായി. ഇബ്രാഹിം എളേറ്റില്‍, വേളാട്ട് അഹമ്മദ് മാസ്റ്റര്‍, എം.എ ഗഫൂര്‍, ടി. മൊയ്തീന്‍കോയ, യു.കെ അബു, താര അബ്ദുറഹിമാന്‍ ഹാജി, കെ.പി മുഹമ്മദന്‍സ്, വി.കെ കുഞ്ഞായിന്‍ മാസ്റ്റര്‍, ഷറഫുന്നിസ ടീച്ചര്‍, ശരീഫ കണ്ണാടിപ്പൊയില്‍ സംസാരിച്ചു.
ജനറല്‍ സെക്രട്ടറി ടി.കെ മുഹമ്മദ് മാസ്റ്റര്‍ സ്വാഗതവും വി. ഇല്‍യാസ് നന്ദിയും പറഞ്ഞു. കാരാടിയില്‍ നിന്നാരംഭിച്ച പ്രകടനത്തിന് സൈനുല്‍ ആബിദീന്‍ തങ്ങള്‍, പി.എസ് മുഹമ്മദലി, യു.കെ അബ്ദുഹാജി, അബൂബക്കര്‍ കുട്ടി കന്നൂട്ടിപ്പാറ, കെ.വി മുഹമ്മദ്, എ.കെ അസീസ്, പി.സി മുഹമ്മദ് മാസ്റ്റര്‍, കെ. കുഞ്ഞാമു, പി.പി ഹാഫിസ് റഹ്മാന്‍, കെ.കെ.എ ഖാദര്‍, വി. സലീം, എ.പി നാസര്‍ മാസ്റ്റര്‍, വി.കെ അബ്ദുറഹ്മാന്‍, സൂപ്പര്‍ അഹമ്മദ് കുട്ടി ഹാജി, എന്‍.സി ഹുസൈന്‍ മാസ്റ്റര്‍, എ.കെ കൗസര്‍, വി.കെ മുഹമ്മദ് റഷീദ്, റഫീക്ക് കൂടത്തായി, കെ.ടി റഊഫ് നേതൃത്വം നല്‍കി.
മുക്കം: കേന്ദ്ര സംസ്ഥാന സര്‍ക്കാരുകളുടെ തെറ്റായ നയങ്ങള്‍ക്കെതിരേ മുസ്‌ലിംലീഗ് തിരുവമ്പാടി മണ്ഡലം കമ്മിറ്റി സമര സംഗമം നടത്തി. സംസ്ഥാന കമ്മിറ്റിയുടെ ആഹ്വാന പ്രകാരം പന്നിക്കോട് നടത്തിയ സമരസംഗമം യൂത്ത് ലീഗ് സംസ്ഥാന സീനിയര്‍ വൈസ് പ്രസിഡന്റ് നജീബ് കാന്തപുരം ഉദ്ഘാടനം ചെയ്തു. മണ്ഡലം ലീഗ് പ്രസിഡന്റ് സി.പി ചെറിയ മുഹമ്മദ് അധ്യക്ഷനായി. സംസ്ഥാന സമിതി അംഗം വി.കെ ഹുസൈന്‍ കുട്ടി, യൂത്ത് ലീഗ് സംസ്ഥാന സെക്രട്ടറി പി.ജി മുഹമ്മദ്, ജില്ലാ വൈസ് പ്രസിഡന്റ് സലാം തേക്കുംകുറ്റി, സെക്രട്ടറി സൈദ് ഫസല്‍, മണ്ഡലം ലീഗ് ഭാരവാഹികളായ വി.എ നസീര്‍, യൂനുസ് പുത്തലത്ത്, ഇബ്രാഹിം തട്ടൂര്‍, വി.എ റഷീദ്, യു.ഡി.എഫ് ചെയര്‍മാന്‍ എ.എം അഹമദ് കുട്ടി ഹാജി, കെ.പി സുനീര്‍, വി.പി.എ ജലീല്‍, കെ.പി അബദുറഹ്മാന്‍, യു.കെ ജംഷിദ്, സാജു റഹ്മാന്‍, മജീദ് പുതുക്കുടി, എ.കെ സാദിഖ് സംസാരിച്ചു. പഞ്ചായത്ത്-മുനിസിപ്പല്‍ ഭാരവാഹികളായ എന്‍.കെ അഷ്‌റഫ്, എന്‍.ഐ അബ്ദുല്‍ ജബ്ബാര്‍, അബ്ദുല്‍ റഷീദ് അല്‍ ഖാസിമി, കെ. കോയ, എം.പി.കെ അബ്ദുല്‍ബര്‍, ഗഫൂര്‍ കല്ലുരുട്ടി, കെ.എം ബഷീര്‍, ഷാഫി വളഞ്ഞപാറ, എന്‍. ജമാല്‍ സമരത്തിന് നേതൃത്വം നല്‍കി.